今期小眾信用卡有簽賬推廣,現金回贈都幾吸引

如果你唔鍾意儲里數,又嫌一般信用卡最多只係回贈到2%的話,咁以下幾張間銀行既信用卡都做緊啲簽賬推廣,用得啱時間同金額,回贈都有4.4%-8%現金回贈,話多唔多,話少唔少,係好過無。

首先,第一張係東亞銀行信用卡:逢於星期六、日本地任何零售簽賬或網上簽賬滿$500即可獲11x信用卡積分,即4.4%現金回贈。呢個所涵蓋範圍算係好廣既,係包括左所有本地消費之餘,網上簽賬亦無特別指明係港幣或外幣網上簽賬,咁即係包埋你所有網上簽賬。倒轉頭講,只要你唔係拎住張卡喺海外碌卡,就有11x信用卡積分或4.4%現金回贈。不過要注意一點,就係呢個推廣並唔適用於已登記飛行里數獎賞之信用卡world flyer,如果唔係啲里數就和味了。

第二張要注意既,係交通銀行信用卡。而家做緊每日於本地食肆、本地航空公司/旅行社及網站、本地醫療簽賬滿$400可獲20x信用卡積分,即8%現金回贈。呢個簽賬推廣要先登記,不過登記既同時又會登記埋佢既「旅行孖寶」,雖然會送你全年旅遊保險同免費Wifi蛋外,不過需要每年用佢張信用卡簽賬滿HK$20,000或每月$1,200先至係真正免費送畀你,否則需要付$1,000行政費。

第三張係安信信貸信用卡,如果你有佢張WeWa信用卡,不論係VISA還是銀聯,逢星期五至日於食肆簽賬滿$400可獲15x現金回贈,即6%現金回贈。呢個15x現金回贈並唔係寫明既,佢係有權日日都有唔同既額外回贈比率,不過佢喺facebook都有開到口話逢周末會提升到15x現金回贈。無他既,佢都係想你用佢張信用卡簽賬既姐,所以喺周末呢啲消費日子,佢好大機會係keep住15x現金回贈。不過都係果句,打算真係簽到$400時,記得打開佢個app望一望先最後決定用咩卡。

 

發表意見

avatar
  Subscribe  
請通知我