買幾廿蚊野都唔好蝕,照樣食佢5%現金回贈

韓德係iPhone user,所以當然係有用開Apple Pay。不經不覺間,原來已經加左5張信用卡入去,真係要搵時間清理下。例如WeWa Visa卡已經成功用Apple Pay買過3次野賺到個加卡迎新$50現金回贈,可以暫時刪除直至有其他推廣時再加返。

不過,信銀(國際)既Visa信用卡就一定唔會刪除,並且係Apple Pay既主卡添。事關韓德已經習慣左去啲超級市場同大型百貨公司,以至七仔等等都係用Apple Pay付款,貪佢地既前線員工都已經熟手去做transaction之餘,亦唔會因為只係買少少野畀幾廿蚊而用信用卡付款而黑我面。既然揀得信銀(國際)Visa信用卡做主卡,總會有我既原因。

因為信銀(國際)Visa信用卡每月首$2,000既Apple Pay都有5%現金回贈,所以真係Apple Pay $10,都會有$0.5回返畀你。你可能又會覺得,買幾廿蚊先會得幾蚊,嘥__氣啦。不過咁,呢個係一種生活態度,人地既然有現金回贈畀你,又唔駛做額外工夫,點解唔去拎?況且,正所謂積少成多,堆沙成塔,你每日Apple Pay幾廿蚊,一個月唔覺唔覺Apple Pay左$2,000話咁易又賺返$100現金回贈。唔通下下都要駛$2,000先拎現金回贈咩,邊有咁多$2,000野要買呀。

同埋,對於呢種碎濕濕既交易,用Apple Pay有個好處,就係你可以睇返transaction history,得閒加一加條數,接近$2,000就收手,一係用第二張卡做Apple Pay交易,或者有啲野唔急既,就黎返下個月買。

不過信銀(國際)Visa信用卡既Apple Pay 5%現金回贈只係做到2018年3月31日,呢個推廣唔知仲會唔會延續呢?

發表意見

成為首個發言者

avatar
  Subscribe  
請通知我