你唔會蠢到用匯豐Rewards Cash兌換亞洲萬里通里數卦?

匯豐信用卡,相信十個香港人七個都會有。近年大家都會留意到匯豐既推廣都做得好勁,日常生活去百佳、萬寧買野,以至今年全年網上簽賬同海外簽賬都有2.4%回贈,務求當你要用信用卡,就用佢果張信用卡。久而久之,大家都會儲埋唔少匯豐既獎賞錢Rewards Cash,閒閒地都會有過千Rewards Cash。

有啲人會覺得,正啊,匯豐Rewards Cash可以兌換亞洲萬里通里數,好快又可以免費飛。其實,我就真係唔會笨到用滙豐Rewards Cash以1 RC去兌換10個亞洲萬里通里數。

首先,你要畀HK$300滙豐去登記個飛行計劃會籍先,正式係未見官先打八十。就算每年有5-6,000 RC可以兌換里數,呢HK$300係小數目唔care,無問題,咁可以睇下兌換到啲乜野。1,500 RC可以換到咩機票?台灣來回機票。3,000 RC可以換到咩機票?日本、韓國機票。6,000 RC可以換到咩機票?歐洲機票。你睇真啲,市場上其實唔需要用HK$1,500、3,000、6,000去買呢啲目的地既機票。

所以,如果你只係滙豐既一般客戶,唔好再盲目儲里數兌換單一目的地來回機票,反而應該利用滙豐Rewards Cash兌換返現金找卡數,又或者去「獎賞錢」購物網睇下有沒有啲平時唔會用現金買既產品或禮物,愈耐年資會有愈多折扣,可以氹下自己,氹下屋企人。

發表意見

avatar
  Subscribe  
請通知我