照顧一頭家,每日駛錢好似倒水咁

照顧一頭家,每日駛錢好似倒水咁。成日都話超級市場啲野貴,但又成日去買,執下執下閒閒地都$1-200蚊。與其想去街市藥房買野慳番啲但又唔係成日去到,倒不如帶定張信用卡旁身。你未必張張都有可以幫你慳到錢,但總要有一張旁身… [期間限定的超級市場大額消費] 通常每兩個月不同信用卡會同連鎖超級市場合作推廣,但單次消費最少達$4-500蚊先合資格有回贈,而回贈金額大約係10-15%。正所謂富者愈富,你消費得夠多,回贈額亦都夠多。呢期係邊張信用卡搭邊間超級市場,做埋比較畀你睇。 [指定日子衡常消費] 市面上有信用卡於指定日子會有超級市場消費折扣,只需要消費夠$100或以上就有92折,即是8%折扣優惠。惠康集團的話於每月3號、13號及23號用恒生enJoy Card有即時減免;百佳集團的話於每月2號、12號及22號用DBS COMPASS VISA有8%COMPASS DOLLAR回贈。較為冷門既仲有華潤萬家超級市場,用中銀Goodday信用卡同樣係每月2號、12號及22號有即時8%折扣優惠。 [任何日子小額消費] 唔係指定日子但又要買一百幾拾蚊野,咁點算?咁就唯有靠信用卡本身的現金回贈了。其中一張可以考慮既係Citi Rewards信用卡,因為佢喺超級市場既任何簽賬都有5x信用卡積分回贈,兼且喺生日月份仲會加碼至8x信用卡積分回贈,未計可以用7折至9折兌換現金禮券,計起黎都已經有相等於2%-3.2%。當然,市面上亦有唔少主打現金回贈既信用卡有1.5%-2%現金回贈不等,都可以考慮幫補一下龐大既支出。 相關信用卡:

打開

[突發] 2018年6月22日Asiamiles「亞洲萬里通」更新計劃

2018年6月22日Asiamiles「亞洲萬里通」更新計劃,包括搭飛機可以賺取更多里數,獎勵機位會增加同埋飛行獎勵都會更新。 乘搭國泰及國泰港龍航空賺取更多里數而所賺取的里數將不是以飛行的實際距離計算。有關詳情可以參考下表。 亦可以了解一下修改前同修改後既變化 了解完賺分既方法既變化之後,我地可以去睇下儲到既里數又有啲咩改變。 首先,獎勵機位供應將增加20%或以上。呢個係得個知字,例如原本某班機係有10個機位用黎畀獎勵機位,而家會變左12個,唔係話全機座位既20%。 第二,所有獎勵機票將以單程兌換,去程及回程時自由選擇不同的客艙級別,無疑係會彈性左。例如你知道自己去完旅行回程時會好攰同想加大個寄艙行李重量,你可以選擇坐business class返屋企。 第三,大家可以相同、甚至更少里數兌換所有經濟客艙的獎勵機票。從下表中可以見到各級客艙,以及單程或來回既所需里數都會略有不同。 按此打開飛行里數計算器 想由頭到尾睇一次官方文件

打開

Avios入門信用卡又有一張新選擇!

好消息!Avios入門信用卡又有一張新選擇!DBS Black Card MasterCard已經成功開通!雖然呢張並唔係新信用卡,但之前唔可兌換到Avios,而家終於可以每DBS$48兌換1,000 Avios,即係只需要DBS$432就可以換到台灣來回機票。呢張信用卡本地消費有2x DBS$回贈,回贈比率同大新英國航空信用卡一樣,而家兩張信用卡都係豁免兌換手續費。不過DBS Black Card MasterCard就會多啲會員優惠,除左有酒店預訂同Wifi蛋有優惠外,包括平時喺全線HABITŪ購買手調飲品有買1送1外,喺機場仲可以去RELAY度免費換領雜誌。 仲未有DBS Black Card MasterCard既而家申請最多可以賺80,000里數或者DBS$1,000做迎新禮品;已經持有任何DBS信用卡既亦無需要望門輕嘆,只需簽賬滿HK$3,000,亦可以享有高達DBS$84,然後展開Avios之旅。 伸延閱讀:

打開

雖然未必拎得晒全程15,000里數,但都係登記左先

有無諗過畀Apple Pay既同時仲可以賺飛行里數?最新Citibank推出Apple Pay推廣,唔係好似其他信用卡用Apple Pay支付賺$50還是一兩百,而係最多賺15,000亞洲萬里通里數!

用Citibank信用卡於推廣期內到任何商戶用Apple Pay支付$300或以上6-9次,有關簽賬額可以額外有每$2兌換1里數;而夠10次的話,仲可以有額外每$1兌換1里數!

打開

現金回贈迎新識唔識執?

近呢半年,韓德觀察所得,信用卡迎新禮品有一個趨向,就係實物迎新禮品例如單車、家庭電器用品愈來愈少,現金回贈同埋飛行里數迎新禮品愈來愈多。其實也無可厚非,始終現金回贈同飛行里數可以直接transfer入account,唔似需要交付實物迎新禮品,需要額外行政費用。 既然愈來愈多現金回贈同埋飛行里數迎新禮品,競爭自然大。今次韓德就揀選左三張現金回贈最吸引既迎新禮品,畀大家參考一下。 第一張,首選係性價比最高既渣打Simply Cash信用卡。性價比最高既原因係佢既迎新禮品條款係只需要消費$1,000,就有$1,000現金回贈,的確係好吸引。拎完迎新禮品之後keep住張卡繼續用的話,所有簽賬都有1.5%現金回贈,對於唔鍾意追簽賬推廣既卡友而言,都算係唔錯既選擇。 其次,第二張想要畀大家參考既係Citibank Cash Back信用卡。呢張卡最新既迎新禮品係$1,200現金回贈,而所需簽賬額係$12,000就可以拎晒$1,200現金回贈。同樣地,拎完迎新禮品後繼續用張卡的話,所有簽賬賬都會有1%現金回贈,而當中既所有本地及海外既食肆簽賬、酒店簽賬都會有額外1%現金回贈。可能唔講你唔知,呢張卡仲有個購物保障,於購物後30天內,如因意外損毀或遺失,均可獲高達US$7,600賠償。 最後一張畀大家參考既信用卡,可能係大家已經遺忘左既大新ONE+信用卡。呢張信用卡可謂任何簽賬都有1%現金回贈既鼻祖。當年仲搵黎豹哥單立文黎做代言人。講返正題,大新ONE+信用卡最新既迎新禮品係$900現金回贈,首兩個月簽賬$6,000可以有$600現金回贈之外,另外$300現金回贈則必須要用Apple Pay支付先至得到。當然,拎完迎新禮品之後keep住用一樣有1%現金回贈。 上述三張信用卡每月現金回贈都無上限,最啱唔想左度右度喺邊度幾時用邊張卡既人。三張卡當中渣打Simply Cash信用卡同Citibank Cash Back信用卡既海外簽賬都有2%現金回贈,條數剛好cover到外幣簽賬交易費用1.95%,值唔值得用就見仁見智。

打開

想儲Avios如何入手?

市場上,大家除左會儲Asiamiles外,通常都會順便儲埋英航既Avios。英航Avios同Asiamiles最大唔同既地方,就係Avios係以每張機票計算所需里數,例如單程往台灣4,500里數、韓國首爾10,000里數。 點解要儲英航Avios?因為以簡單來回某個城市既機票,英航Avios會比Asiamiles所需的里數更少,而你所能夠選擇的航班,係同Asiamiles一模一樣。又或者,如果你經常重覆去某個城市,簡單直接兌換機票的Avios會更適合你。 想開始儲英航Avios,首先需要去英航Executive Club申請一個戶口,等同你申請左一個Asiamiles既戶口一樣,之後坐飛機賺里數或者開始由信用卡轉換至里數。 市面上主要有三張信用卡可以兌換到英航Avios里數。第一張就係Citibank PremierMiles信用卡,唔需要畀任何飛行計劃既計用,已經可以兌換到近乎所有飛行獎賞計劃,當然都包括了Executive Club和Asiamiles。當你需要準備大家族或兩個家庭既旅行時,如果海外簽賬超過HK$20,000的話,除左基本$8兌換1里數外,更可以有額外每$3兌換1里數,條數係非常可觀。兼且,Citibank PremierMiles信用卡每年都會有Bonus Avios活動,即將可兌換里數增多!而Citibank PremierMiles信用卡始終係一張Visa Signature信用卡,佢附帶既優惠包括使用機場候機室、$250轎車接送市區至機場,以至免費旅遊保險都適合經常飛既人。 第二張就係大新銀行聯營既大新英國航空信用卡。呢張信用卡兌換Avios比較直接,就係本地消費$6兌換1 Avios,海外簽賬就$6兌換1.5 Avios,而且每個月即時會喺Executive Club帳戶內見到相關Avios。如果配合匯豐Payme使用,每月top up $5,000到呢張信用卡,每個月就係833 Avios,六個月左右已經兌換到一張台灣機票。 第三張匯豐信用卡,不過除左你擁有匯豐「獎賞錢」準備去兌換里數外,你需要每年繳付HK$300參加匯豐既飛行計劃,令到你擁有選擇權,去將你既「獎賞錢」兌換至Asiamiles里數。不過,如果想要兌換Avios,更加需要係HSBC Premier

打開

初心者儲飛行里數的孖寶信用卡

朋友平時無儲開里數,有時候會問有咩信用卡儲里數好?其實市面上有好多張信用卡都係針對儲里數換機票既消費群,有儲開里數既你,有可能全部都擁有,或者最少曾經擁有。 一般用里數作招徠的信用卡迎新禮品,喺符合左某個指定消費額外,都會提供大約5,000「亞洲萬里通」既里數。大家都當然知道,5,000「亞洲萬里通」里數,喺換機票既遊戲當中,只係一個好細既數目。喺5,000「亞洲萬里通」里數之後繼續點儲里數,就真係視乎你既消費能力和消費機會,仲要按自己既情況黎選擇信用卡消費,咁先至會事半功倍。 如果你暫時未有用開要黎儲里數既信用卡,韓德建議你可以考慮先從以下兩張信用卡入手,因為兩張信用卡都免首年年費,可以用一年時間試下儲里數既效果如何。 首先,係渣打亞洲萬里通萬事達卡用作支付平日既消費,本地消費最少可以每$6兌換1里數,而喺食肆或者網上購物,都可以每$4兌換1里數。而呢張信用卡每個月都會將里數自動儲入你既亞洲萬里通既戶口,咁可以每個月都見到自己既里數有所提升,咁先至比較容易畀到自己動力繼續儲落去。 其次,就係Citibank PremierMiles信用卡。既然日常消費都有渣打亞洲萬里通萬事達卡,呢個張信用卡既主要功能就係當你出差或者去旅行時用,尤其是當你預期到有大額外幣簽賬既時候。例如喺某一個月份內用Citibank PremierMiles信用卡總簽賬額滿HK$20,000既時候,咁當中海外同埋外幣網上既簽賬額除左基本$8兌換1里數外,更可以有額外每$3兌換1里數;如果當月總簽賬額唔夠HK$20,000的話,海外同埋外幣網上既簽賬額都可以每$4兌換1里數,都算係好吸引。假如預期自己個trip最少會用到HK$5,000或以上,仲可以免費去機場既lounge一次,慢慢等上機。 由於兩張信用卡都係Mastercard或者VISA card,基本上絕大部分既商舖都會接受付款,所以每次消費都可以憑信用卡儲到里數;加上兩張信用卡都係唔駛任何手續費就可以兌換到里數,亦減低左將信用卡積分變為里數既成本。 所以,想由這一刻開始儲里數既你,不妨考慮先從上面兩張信用卡着手,睇下自己明年今日可以儲到幾多里數,可以飛到去邊度。   渣打亞洲萬里通萬事達卡 Citibank PremierMiles信用卡

打開