逐個航段兌換仲方便,平飛去,免費返

眾所周知,而家 Asiamiles 都改埋兌換每程航段,而唔再係最少一個來回咁兌換。 對於只有有限里數但想去好多地方既朋友,坊間有好多秘技參考,本文不會贅述。反而大家身邊都總有一兩個朋友成日嗌里數水浸,但係又換唔到機票。呢班高里數一族,往往係有里數但無時間,無時間去研究點用最低里數去飛最多地方,無時間打電話去Asiamiles CS搵機位。佢地需要既係方便,省時,飛得到。 其實,可以退一步諗,熱門城市經常都換唔到來回機票,就不妨考慮就只係兌換一程,畀錢去買另一程航段。一旦接受到呢個想法,大家既飛行版圖將會擴大。 舉個例說,如果你主要目標係CX,去日本就必須係飛札幌、東京、名古屋、大阪、福岡、沖繩。 如果你退後一步諗,你可以以最少既裝備出發坐HK Express去鹿兒島入,然後喺九州遊玩,由北向南咁一直玩唔駛走回頭路,最後於福岡帶住你既無限戰利品坐用 Asiamiles 換返黎既機票返香港,又舒適又有免費行李寄艙,都係一個方法。 三個人連兩件寄艙行李加兩個機上午餐,平平地每個人連稅只係HK$1,444。 暑假期間回程需要每位15,000里數兌換單程機票,以Asiamiles新制計算係貴左5,000里數,但係以舊制計其實係無貴到無平到,只係方便左可以兌換單程機票。三個人總共有90KG行李可以寄艙,應該點都夠用。  

打開

照顧一頭家,每日駛錢好似倒水咁

照顧一頭家,每日駛錢好似倒水咁。成日都話超級市場啲野貴,但又成日去買,執下執下閒閒地都$1-200蚊。與其想去街市藥房買野慳番啲但又唔係成日去到,倒不如帶定張信用卡旁身。你未必張張都有可以幫你慳到錢,但總要有一張旁身… [期間限定的超級市場大額消費] 通常每兩個月不同信用卡會同連鎖超級市場合作推廣,但單次消費最少達$4-500蚊先合資格有回贈,而回贈金額大約係10-15%。正所謂富者愈富,你消費得夠多,回贈額亦都夠多。呢期係邊張信用卡搭邊間超級市場,做埋比較畀你睇。 [指定日子衡常消費] 市面上有信用卡於指定日子會有超級市場消費折扣,只需要消費夠$100或以上就有92折,即是8%折扣優惠。惠康集團的話於每月3號、13號及23號用恒生enJoy Card有即時減免;百佳集團的話於每月2號、12號及22號用DBS COMPASS VISA有8%COMPASS DOLLAR回贈。較為冷門既仲有華潤萬家超級市場,用中銀Goodday信用卡同樣係每月2號、12號及22號有即時8%折扣優惠。 [任何日子小額消費] 唔係指定日子但又要買一百幾拾蚊野,咁點算?咁就唯有靠信用卡本身的現金回贈了。其中一張可以考慮既係Citi Rewards信用卡,因為佢喺超級市場既任何簽賬都有5x信用卡積分回贈,兼且喺生日月份仲會加碼至8x信用卡積分回贈,未計可以用7折至9折兌換現金禮券,計起黎都已經有相等於2%-3.2%。當然,市面上亦有唔少主打現金回贈既信用卡有1.5%-2%現金回贈不等,都可以考慮幫補一下龐大既支出。 相關信用卡:

打開

[突發] 2018年6月22日Asiamiles「亞洲萬里通」更新計劃

2018年6月22日Asiamiles「亞洲萬里通」更新計劃,包括搭飛機可以賺取更多里數,獎勵機位會增加同埋飛行獎勵都會更新。 乘搭國泰及國泰港龍航空賺取更多里數而所賺取的里數將不是以飛行的實際距離計算。有關詳情可以參考下表。 亦可以了解一下修改前同修改後既變化 了解完賺分既方法既變化之後,我地可以去睇下儲到既里數又有啲咩改變。 首先,獎勵機位供應將增加20%或以上。呢個係得個知字,例如原本某班機係有10個機位用黎畀獎勵機位,而家會變左12個,唔係話全機座位既20%。 第二,所有獎勵機票將以單程兌換,去程及回程時自由選擇不同的客艙級別,無疑係會彈性左。例如你知道自己去完旅行回程時會好攰同想加大個寄艙行李重量,你可以選擇坐business class返屋企。 第三,大家可以相同、甚至更少里數兌換所有經濟客艙的獎勵機票。從下表中可以見到各級客艙,以及單程或來回既所需里數都會略有不同。 按此打開飛行里數計算器 想由頭到尾睇一次官方文件

打開

Avios入門信用卡又有一張新選擇!

好消息!Avios入門信用卡又有一張新選擇!DBS Black Card MasterCard已經成功開通!雖然呢張並唔係新信用卡,但之前唔可兌換到Avios,而家終於可以每DBS$48兌換1,000 Avios,即係只需要DBS$432就可以換到台灣來回機票。呢張信用卡本地消費有2x DBS$回贈,回贈比率同大新英國航空信用卡一樣,而家兩張信用卡都係豁免兌換手續費。不過DBS Black Card MasterCard就會多啲會員優惠,除左有酒店預訂同Wifi蛋有優惠外,包括平時喺全線HABITŪ購買手調飲品有買1送1外,喺機場仲可以去RELAY度免費換領雜誌。 仲未有DBS Black Card MasterCard既而家申請最多可以賺80,000里數或者DBS$1,000做迎新禮品;已經持有任何DBS信用卡既亦無需要望門輕嘆,只需簽賬滿HK$3,000,亦可以享有高達DBS$84,然後展開Avios之旅。 伸延閱讀:

打開

出發前想換個新旅行喼?

坊間當然有好多旅行喼又平又靚又好拉,但有時候總係唔想用額外一千幾百去買,反正出發去旅行事前都要駛錢,咁倒不如將啲駛費用黎換旅行喼迎新禮品,慳返啲買旅行喼既錢用黎食好啲、住好啲仲好。

上次去旅行時舊既旅行喼爛左,而家韓德打算申請返一個。睇完一輪之後,發現市場上三款唔同要求既旅行喼衣新禮品,要名牌有名牌,要實用有實用,要孖箱有孖箱,總有一款啱你用。

打開

雖然未必拎得晒全程15,000里數,但都係登記左先

有無諗過畀Apple Pay既同時仲可以賺飛行里數?最新Citibank推出Apple Pay推廣,唔係好似其他信用卡用Apple Pay支付賺$50還是一兩百,而係最多賺15,000亞洲萬里通里數!

用Citibank信用卡於推廣期內到任何商戶用Apple Pay支付$300或以上6-9次,有關簽賬額可以額外有每$2兌換1里數;而夠10次的話,仲可以有額外每$1兌換1里數!

打開

德國餐廳海邊晚風食滿$500立減$200兼享4小時免費泊車

等左成個禮拜,又到左一星期最精神奕奕上班既一日。趁自己係最清醒既時候,諗好點度過你既周末未?市區人多車多,行商場又行到厭的話,倒不如來個遠行,去赤柱一天遊。 周末黎到赤柱,赤柱海濱長廊既酒吧街餐廳差不多全部都做A la carte。如果晚餐想食得飽,一個人無$300唔駛落樓。 不過,好多人都遺忘左近卜公碼頭那邊的美利樓,其實仲有兩間分別係西班牙餐廳同埋德國餐廳。今次小編要為大家介紹既,就係位於美利樓既King Ludwig Beerhall德國餐廳。 一般西餐廳所提供既意粉同沙律呢度都會有,但秉承德國風格,選擇其實不算多,意粉也只有三款選擇。反而我地可以將焦點放喺必點既德國脆皮咸豬手同德國腸拼盤。 成隻咸豬手咁大,服務員會好似賣海鮮咁畀你過目後,然後喺一張專門用黎處理成隻豬手既枱上面將啲肉、皮同埋分開,方便客人分享食用。成隻豬手最好食既係皮,完全唔覺得有肥膩感覺,最外層脆皮,裡裡一層就有啲煙靭。 至於德國腸拼盤,會有四種唔同既德國腸,而小編最鍾意既就係Nürnberger Rostbratwurst,即最細條灰灰地色果種,有香濃既肉味,最可惜係要同人分享,唔可以成條食晒。 食德國菜千祈唔好忽略附送既酸菜,連埋腸仔送入口既味道一流。 以上兩個主菜都分別係二百幾,如果兩個人去撐枱腳,喺主菜單上面隨意叫多少少野已過$500。而家憑渣打信用卡於晚市簽賬滿$500,可以全單減$200,即係六折優惠!不過記得甜品同任何飲品都唔計算在內,落order前請小心計算。 除此之外,如果你揸車去,於周末及公眾假期可以6pm後泊入赤柱廣場,消費滿$400即可享4小時免費泊車優惠。 餐廳資料 帝樂 – 德國餐廳 King Ludwig

打開

現金回贈迎新識唔識執?

近呢半年,韓德觀察所得,信用卡迎新禮品有一個趨向,就係實物迎新禮品例如單車、家庭電器用品愈來愈少,現金回贈同埋飛行里數迎新禮品愈來愈多。其實也無可厚非,始終現金回贈同飛行里數可以直接transfer入account,唔似需要交付實物迎新禮品,需要額外行政費用。 既然愈來愈多現金回贈同埋飛行里數迎新禮品,競爭自然大。今次韓德就揀選左三張現金回贈最吸引既迎新禮品,畀大家參考一下。 第一張,首選係性價比最高既渣打Simply Cash信用卡。性價比最高既原因係佢既迎新禮品條款係只需要消費$1,000,就有$1,000現金回贈,的確係好吸引。拎完迎新禮品之後keep住張卡繼續用的話,所有簽賬都有1.5%現金回贈,對於唔鍾意追簽賬推廣既卡友而言,都算係唔錯既選擇。 其次,第二張想要畀大家參考既係Citibank Cash Back信用卡。呢張卡最新既迎新禮品係$1,200現金回贈,而所需簽賬額係$12,000就可以拎晒$1,200現金回贈。同樣地,拎完迎新禮品後繼續用張卡的話,所有簽賬賬都會有1%現金回贈,而當中既所有本地及海外既食肆簽賬、酒店簽賬都會有額外1%現金回贈。可能唔講你唔知,呢張卡仲有個購物保障,於購物後30天內,如因意外損毀或遺失,均可獲高達US$7,600賠償。 最後一張畀大家參考既信用卡,可能係大家已經遺忘左既大新ONE+信用卡。呢張信用卡可謂任何簽賬都有1%現金回贈既鼻祖。當年仲搵黎豹哥單立文黎做代言人。講返正題,大新ONE+信用卡最新既迎新禮品係$900現金回贈,首兩個月簽賬$6,000可以有$600現金回贈之外,另外$300現金回贈則必須要用Apple Pay支付先至得到。當然,拎完迎新禮品之後keep住用一樣有1%現金回贈。 上述三張信用卡每月現金回贈都無上限,最啱唔想左度右度喺邊度幾時用邊張卡既人。三張卡當中渣打Simply Cash信用卡同Citibank Cash Back信用卡既海外簽賬都有2%現金回贈,條數剛好cover到外幣簽賬交易費用1.95%,值唔值得用就見仁見智。

打開

想儲Avios如何入手?

市場上,大家除左會儲Asiamiles外,通常都會順便儲埋英航既Avios。英航Avios同Asiamiles最大唔同既地方,就係Avios係以每張機票計算所需里數,例如單程往台灣4,500里數、韓國首爾10,000里數。 點解要儲英航Avios?因為以簡單來回某個城市既機票,英航Avios會比Asiamiles所需的里數更少,而你所能夠選擇的航班,係同Asiamiles一模一樣。又或者,如果你經常重覆去某個城市,簡單直接兌換機票的Avios會更適合你。 想開始儲英航Avios,首先需要去英航Executive Club申請一個戶口,等同你申請左一個Asiamiles既戶口一樣,之後坐飛機賺里數或者開始由信用卡轉換至里數。 市面上主要有三張信用卡可以兌換到英航Avios里數。第一張就係Citibank PremierMiles信用卡,唔需要畀任何飛行計劃既計用,已經可以兌換到近乎所有飛行獎賞計劃,當然都包括了Executive Club和Asiamiles。當你需要準備大家族或兩個家庭既旅行時,如果海外簽賬超過HK$20,000的話,除左基本$8兌換1里數外,更可以有額外每$3兌換1里數,條數係非常可觀。兼且,Citibank PremierMiles信用卡每年都會有Bonus Avios活動,即將可兌換里數增多!而Citibank PremierMiles信用卡始終係一張Visa Signature信用卡,佢附帶既優惠包括使用機場候機室、$250轎車接送市區至機場,以至免費旅遊保險都適合經常飛既人。 第二張就係大新銀行聯營既大新英國航空信用卡。呢張信用卡兌換Avios比較直接,就係本地消費$6兌換1 Avios,海外簽賬就$6兌換1.5 Avios,而且每個月即時會喺Executive Club帳戶內見到相關Avios。如果配合匯豐Payme使用,每月top up $5,000到呢張信用卡,每個月就係833 Avios,六個月左右已經兌換到一張台灣機票。 第三張匯豐信用卡,不過除左你擁有匯豐「獎賞錢」準備去兌換里數外,你需要每年繳付HK$300參加匯豐既飛行計劃,令到你擁有選擇權,去將你既「獎賞錢」兌換至Asiamiles里數。不過,如果想要兌換Avios,更加需要係HSBC Premier

打開