暑假7月換機票去北海道,可以點做到?

大家都話北海道機票用Asiamiles好難換。其實除左淡季都容易換到外,韓德就安排到喺6月尾7月頭換左機票去北海道玩,相信呢個已經係時間上既極限,因為其餘時間暑假係當然旺季。 要換到7月份既機票,除左博佢候補外,想主動出擊的話,大前提當然就係一年前兌換機票。以下就係兌換機票既心得。 一年前由6月25號打後開始上網嘗試兌換由香港直航至札幌去程機票,數量係三張,一直都係not available,即係畀CX blackout左唔開放任何機位(包括經濟及商務)畀人兌換。直至check到大概係7月8-9日,亦即是慢慢踏入旺季,可以兌換到既機會更為渺茫。 所以,兌換去程機票呢條路絕左,就轉而試下換由札幌直航回程機票,而竟然有位!經濟艙索分45,000一張,商務艙係60,000一張,注意係單程。你可能會覺得好貴,是的,的確要好多分。每個人情況唔同,你覺得值,就出飛;覺得唔值,你就留住啲分作`其他用途。而韓德既情況係,有廿萬Asiamiles里數到期。 知道左有位後,就按之前既想法總之想辦法入左境日本後再算,然後轉機去北海道。韓德主要搵福岡或名古屋,因為比東京同大阪相對比較少人換,應該比較容易成事。結果,原來一年前兌換日本機票,真係可以用10,000里數兌換單程機票架,韓德就揀左名古屋做駁腳。 結果,韓德就喺2018年7月12日,用左180,000里數兌換三張札幌回香港直航商務機位,另外30,000里數兌換三張香港往名古屋經濟機位。至於中間名古屋往北海道機票,則必須懸空至機票三個月前先可以訂到ANA或JAL既票。如果心理上無法接受既網友,則唔好選擇預先成年前兌換機票。最後韓德於2019年3月28日完成最後航段既預訂,用左ANA里數兌換了兩張 由名古屋往札幌經濟位既機票,另外JPY6,680買了餘下的一張機票。 如此這般,都可以喺7月份坐到直航回港,而且商務艙每人可以有40KG寄艙,咁就可以血拼無顧慮了。

打開

吼住HKTVMall今日VIP日減5%再用WeWa卡找數有獎抽

而家HKTVMall VIP日改左逢星期四係方便左,但係要買夠$500先有得用VIP code減5%就真係無之前任何金額都減5%咁過癮,所以近來都買少左。 今日吼住想喺HKTVMall買部Kindle特價後$525,用左VIP Code係$400幾近$500,呢個金額真係用WeWa卡簽賬無得輸,可以抽獎博一博會唔會中到好野。 如果唔用WeWa卡,原本就會用BEA信用卡,會有4.4%回贈,即係大約$22,不過可惜呢個月已經爆左額。 今次抽獎,都算係比較唔好彩既一份禮物,只係抽到CircleK $10一份。咁總比之前抽到旅遊保險好既,因為本身都已經有全年旅遊保險跟身。

打開

如果你經常都飛,無理由唔要呢$500回贈

韓德有一張信用卡,係每次離港都會帶備喺身既。呢張係一張低調既信用卡,係針對經常飛既人,但竟然唔係回贈里數,而係提供現金回贈。現金回贈聽落無咩新意,但勝在條件優厚。只係需要喺外地簽賬滿$6,000,而當月最多回贈$500,即是8.33%回贈,都真係好爽。除此之外,仲有兩點需要注意先可以拎到回贈: 外幣簽賬須滿HK$500先計算落$6,000目標簽賬額內。 當月須有另外三筆本地簽賬。 而韓德既心得係,留啲大額既外幣簽賬額用黎處理呢$6,000目標簽賬額,例如係租車、畀温泉酒店錢、去outlet血拼時先用,咁就唔需要下下計返夠唔夠等值HK$500,同時sum up $6,000條數都容易啲。 至於三筆本地簽賬,而家有了ApplyPay / AndriodPay就超方便了。當然喺信用卡公司角度,當然係想你用佢張信用卡作一般或大額消費,但自從手機支付逐漸普及之後,幾十蚊甚至幾蚊都可以照嘟,咁唔駛再尷尷尬尬問人地幾十蚊都簽卡了。例如買個麥當勞餐、去七仔嘟一嘟都好方便。 最後一點要提提,就係呢個回贈係超快的,好似上圖既$500回贈,係2月份既簽賬,3月份就立即credit返畀你了。 想知道呢張卡更多詳情,click呢度。

打開

最後召集! 下載及使用BoC Pay可享HK$50獎賞及多重優惠

咁啱韓德又有中銀銀聯信用卡,咁試下登記呢個BoC Pay即時拎左$50登記優惠先。原來都唔算複雜,只需要幾步連埋電話號碼做登記就成功登記左。 原來除了BoC Pay指定商戶外,只要見到雲閃付商標的商戶,一樣可接受BoC Pay一掃即付款 ,我陣間去試下搵間零閃付商戶嘟一嘟,睇下方唔方便同拎埋$20回贈先。 最後提提你,只係去到3月31日咋。 即日至2019年3月31日,下載及使用BoC Pay可享以下優惠(每名客戶可享各項優惠上限一次): 行動 獎賞 下載BoC Pay並綁定/註冊中銀雙幣信用卡或中銀香港Smart Account或支付賬戶 HK$50 透過BoC Pay完成單一商戶消費或繳費交易(金額滿HK$20) HK$20 透過BoC Pay完成單一轉賬交易(金額滿HK$20)

打開

減埋減埋hktvmall買野原來差唔多有六折

今日打開payme,見到有payme x hktvmall prmotion,係買滿$300用payme付款時輸入payme50立減$50。 不過payme 優惠碼每個account只可以用一次,仲要先到先得! 平時買開奶粉$283一罐,諗住$300無乜難度,點知原來買兩罐有20% off,不特止而且原來係baby fair再有10% Mall Dollar回贈,減埋減埋即係差不多六折優惠!($357/$566=63%)

打開

韓德現時持有的主要信用卡(更新至2019年1月30日)

每個人喺唔同既階段都會持有不同的主要信用卡。今日韓德終於有時間整理手上信用卡,暫時list out左以下信用卡同埋持有原因。大家可以參考,但無需要質疑點解無呢張、無果張,有時可能係夠期cut左等申請返,又或者有人鍾意現金回贈但係我鍾意儲里數,有人鍾意泰國亦有人鍾意韓國,大家可以和而不同。 信用卡名稱 持有原因 美國運通白金卡 免費機場Centurion lounge、美饍會75折晚飯、免費全年旅遊保險、 免費拖車、 免費購物保障 滙豐白金Visa卡 主打網上簽賬 中國銀行 iCard 主打淘寶及網上簽賬 恒生enJoy卡 主打惠康集團逢8號、18號和28號92折及美心西餅8-85折 大新英航信用卡 八達通增值及兌換Avios 中銀旅遊賞Visa Signature卡

打開

AEON信用卡呢期搞乜呢?呢兩個推廣未免太吸引

大家可能無乜留意AEON信用卡有乜消費推廣,通過唔係和民就係AEON百貨消費,又或者係KFC。韓德都係一直無乜留意,但有keep一張AEON VISA卡。 最新呢期既兩個推廣唔講得笑,一個係本地簽賬,另一個係海外簽賬。 本地簽賬係喺CircleK便利店簽賬有40%回贈,你無睇錯,係40%,即係簽$100回$40。你以為可能要簽滿$500先回$200,咁就錯喇,並無最低簽賬要求,真正簽$10回$4。不過只限星期六和日,並且最多回贈$1,000,即是最多簽$2,500。喺手CircleK點簽$2,500呀?呢個happy problem由你自己解決。 另一個就係日元簽賬回贈,即係去日本旅行既簽賬回贈,最多簽賬$20,000回贈10%即$2,000。以海外簽賬10%現金回贈黎計,喺市面上算係高。加埋原本既日本簽賬3x積分,即係會有額外$20,000×3即係60,000分,計落係$240。 不過,如果打算只係得少於$10,000簽賬,就只係得2-3%現金回贈,吸引力就立時太減了。 不過最重要都係,你要有一張AEON信用卡。

打開

又準備唔畀手續費,由Citibank Rewards積分兌積Asiamiles

由於見到呢個「Citi積分直接兌換易賞錢賺取高達4,000易賞錢積分」,心諗自己張Citibank Rewards信用卡裡面既廿幾萬分,因為呢排唔會去睇戲,雖然儲埋既分又唔會到期,睇下有無機會好似幾年前咁有無路走去免手續費兌換Asiamiles,咁就check返下啲資料同login返個MoneyBack。 唔check由自可,唔知由幾時開始,MoneyBack既積分已經改左係每月同你expire,係我自己衰無睇更新左既條款。 Anyway,呢啲情況都係唯有止蝕,盡快將畀人每月expire既積分用左佢。再check個MoneyBack既linked Asiamiles Account,原來唔係自己果個,咁而家似乎唔再可以喺部機度自由更改Asiamiles Account,指示話要打電話去unlink先至可以再link。咁打左去MoneyBack,都要等一陣,咁核對完資料,咁就話大約4日後可以unlink,然後自己link返個新既Account。仲有另一個條款必須留言,就係你喺兩邊既登記號碼需要一致,如果唔係佢可以有權唔幫你兌換。 咁根據「Citi積分直接兌換易賞錢賺取高達4,000易賞錢積分」既推廣,現有易賞錢會員成功將Citi 積分兌換成易賞錢積分即賺額外2,500易賞錢積分,而每次最少兌換25,000 Citi積分相當於5,000易賞錢積分,加上額外既2,500易賞錢積分,即是25,000 Citi積分可以兌換到7,500易賞錢積分。 而易賞錢積分同Citi積分都可以有個簡單方法立即知道係相當於幾多Asiamiles積分,就係分別除5同除20就係等於有幾多AM。例如7,500易賞錢積分/5,就係等於1,500 AM;如果你有250,000 Citi積分/20,就係等於12,500 AM。

打開

逐個航段兌換仲方便,平飛去,免費返

眾所周知,而家 Asiamiles 都改埋兌換每程航段,而唔再係最少一個來回咁兌換。 對於只有有限里數但想去好多地方既朋友,坊間有好多秘技參考,本文不會贅述。反而大家身邊都總有一兩個朋友成日嗌里數水浸,但係又換唔到機票。呢班高里數一族,往往係有里數但無時間,無時間去研究點用最低里數去飛最多地方,無時間打電話去Asiamiles CS搵機位。佢地需要既係方便,省時,飛得到。 其實,可以退一步諗,熱門城市經常都換唔到來回機票,就不妨考慮就只係兌換一程,畀錢去買另一程航段。一旦接受到呢個想法,大家既飛行版圖將會擴大。 舉個例說,如果你主要目標係CX,去日本就必須係飛札幌、東京、名古屋、大阪、福岡、沖繩。 如果你退後一步諗,你可以以最少既裝備出發坐HK Express去鹿兒島入,然後喺九州遊玩,由北向南咁一直玩唔駛走回頭路,最後於福岡帶住你既無限戰利品坐用 Asiamiles 換返黎既機票返香港,又舒適又有免費行李寄艙,都係一個方法。 三個人連兩件寄艙行李加兩個機上午餐,平平地每個人連稅只係HK$1,444。 暑假期間回程需要每位15,000里數兌換單程機票,以Asiamiles新制計算係貴左5,000里數,但係以舊制計其實係無貴到無平到,只係方便左可以兌換單程機票。三個人總共有90KG行李可以寄艙,應該點都夠用。  

打開